Bertako produktua sustatze aldera, Hondarribiko Udalak Agroaldea sortu zuen 2013. urtean. Ordutik ereindakoak bere uzta eman du pixkanaka, eta uda garaiari begira bertan ekoiztutako barazkiak erosteko aukera egongo da. Asteazken eta larunbateko azoken bidez, Hondarribian bertan sorturiko produktuak herritarrengana eraman nahi dituzte. Geroz eta gehiago dira, azokara joaten direnak.