Azken bideoak: Gizartea

Gurean Gaur saioko elkarrizketa atalean, Arantza Aurrekoetxea Eusko Jaurlaritzako Hezkuntza Sailburuordea izan dugu. Euskal Hezkuntza legea noizko egingo duten jakin nahi izan dugu.

Gurean Gaur saioaren elkarrizketa atalean, Larraitz Ugarte Gipuzkoako Aldundiko Azpiegitura eta Mugikortasun diputatua izan dugu. Bilduren gobernuak martxan jarri nahi duen bidesari sistema berriaz aritu gara. Egoera zertan den jakin nahi izan dugu. Bidegiren zorrari ere tartea eskaini diogu.

Gurean Gaur saioaren elkarrizketa atalean, Iñaki Goirizelaia EHUko errektorea izan dugu. Unibertsitateak une honetan pairatzen dituen murrizketen inguruan hitz egin dugu berarekin. Aurten langileria mantentzeko apustua egin eta lortu dute baina 2014ko aurrekontuak, iazkoak bezalakoak izatekotan, ezinezkoa izango dela baieztatu du.

Bidezko merkataritzaren nazioarteko egunarekin batera abiatuko da EkoBira azoka ibiltariaren hirugarren edizioa. Kutxa Ekoguneak antolaturiko kontsumo jasangarriaren aldeko denboraldiko lehen azoka, bihar egingo dute Aretxabaletan. Ekoizle ekologikoak, eskulangileak, material birziklatuekin lan egiten dutenak eta energia berriztagarrien sektoreko enpresek parte hartuko dute.

Zaintza Partekatuaz aritu gara. Bikote bat banatzen denean, asko dira hartu beharreko erabakiak. Are gehiago, seme-alabak badituzte. Lehen erabakietako bat haurren zaintzari dagokio, bideak guraso bakarreko zaintza edo zaintza partekatua dira. Horri buruz hitz egiteko, ondoko solaskideak izan ditugu mahai inguruan: Inmaculada Ansotegi (abokatua), Sagrario Iarnoz (psikologoa) eta Txema Ezenarro (La Terraza elkartea).