Azken bideoak: GKEak

Hainbat dendatan egingo da eta bonoak erosiz ere lagundu ahalko da. Zazpigarrenez antolatu du Espainiako Elikagaien Bankuen Federazioak ekimena eta Hego Euskal Herrian 825 saltokitan egongo dira bilketarako kutxak. Asteburu honetan urte osoko produktuen laurdena jasotzen dute. Ekimena aurrera eramateko elikagaien bankuek elkartasuna eskatu diete herritarrei, bai boluntario gisara baita dohaintzak eginez ere.

Banderatxoaren eguna ospatu du gau Bizkaiko Gurutze Gorriak. Erakundeko boluntarioek kalean bildutako dirua pertsona nagusien bakardadearen aurka borrokatzeko bideratuko dute aurten, baita zahartze aktiboa eta nagusien autonomia bultzatzera. 300 boluntario inguruk 500 itsulapiko jarri dituzte 40 puntutan.

Foro Sozial Iraunkorrak deituta, gobernuz kanpoko hainbat erakundek "adierazpen autokritikoa" egin dute, indarkeriaren inguruan iraganean izandako beren jarrera dela eta. Horrela, barkamena eskatu diete ETAren biktimei eta estatuaren indarkeriaren biktimei, “egoerak eskatzen zuen bezala” jokatu ez izana onartuz.

Abusu Ikastolako Lehen Hezkuntzako bosgarren mailako ikasleek, Niger laguntzeko lasterketa solidarioa antolatu dute Uraren Nazioarteko egunean. UNIFEC-ekin batera, urte osoko proiektu baten ostean, Afrikako herrialde hartara ura eramaten laguntzeko burutu dute ekimena. Orotara, 400 pertsona baino gehiagok hartu dute parte “Tantaz tanta niger lagundu dezakegu” lemapean ospatu den lasterketa solidarioan. Dortsal bakoitza euro bateko prezioan saldu eta irabazi guztiak UNICEF-ek Nigerren burutzen dituen ekintzetara bideratu dira.

Beharra duten 900 familiari baino gehiagori lagunduko die Bilboko Santutxu auzoko elikagai banaketa gune berriak. Elikagai banaketa duina eta herritarren arreta pertsonalizatua bermatu nahi dituzte gune berriaren bidez.

Naval-eko langileek mobilizazioa egin dute Bilbon PSEk duen egoitzaren aurrean. Administratzaileak astelehenean aurkeztuko die lan erregulazio espedientea eta kalean geratuko dira aldaketarik ez badago. Naval publikoa egin dezaten eskatu diete berriz ere Madril eta Gasteiz-eko gobernuei.