Azken bideoak: Antzerkia

Aurten, Euskal Antzerki Topaketen 38. edizioa antolatu da Azpeitian, Kulturaz Kooperatibaren eskutik. Esaterako, datozen egunetan TRIBIZ Baserri galdue, ANTIGONE edo ezetzaren garrantzia eta Pinocchio izango dira ikusgai. Ildo horretan, Aitor Bengoetxea Kulturaz Kooperatibako kidearekin izan gara, eta Azpeitiko Kultur Mahaiak izan duen bilakaera azaldu digu.

Azaroaren 10ean Arriaga antzokian estreinatuko dute "Ez dok ero", Tartean teatro konpainiaren baitako "EzDok3" lan lerroko azken emaitza. Euskal kulturaz eta euren buruaz barre egingo dute antzezlan honetan Patxo Telleriak eta Mikel Martinezek.

SGAE Fundazioak antolatuta, MAX sariek arte eszenikoen alorrean espainiar estatuan egiten diren lan onenak hautatzen ditu urtero 1998tik. 23. edizio honetan, Zanguango gasteizeko konpainiak eskuratu du kaleko obra onenaren saria, Bestaldean antzezlanagatik.

Pabellon 6 aretoa publikoa hartzen hasiko da gaur itxialdiaren ondoren. Prozesu gogorra izan dela ziurtatu du Betitxe Saitua aretoaren lantaldeko kideak baina hasieratik argi zuten egoerak baimentzen zuenean itzuliko zirela eta itzulera hori nola gauzatuko zuten prestatzen ibili dira luzaroan.

Aste honetan, Artekalen, antzerkiari helduko diogu gure elkarrizketan. Horretarako Iñaki Ziarrusta Atx teatroa konpainiako kidea gonbidatu dugu eta itxialdiak kulturan ekarri duen krisiaz solastu gara berarekin. Honekin batera, Bernard Clement argazkilari iruindarraren online erakusketa erakutsiko dizuegu eta bukatzeko, Errekaleor ezagutzera gonbidatuko zaituztegu. Bertan, auzolanaren eta artearen bitartez, auzo oso bat berpiztu dute, Gasteizen.

11 urtez banatu gabe egon ostean, Besarkada sariak ospatuko ditu Euskal Aktoreen Batasunak berriro ere. Euskal aktoreen lana aintzatesteaz gain, promoziorako ere balioko duelakoan daude antolatzaileak. Martxoaren 24an Azkuna Zentroan ospatuko den galan banatuko dituzte Antzerkia, Telebista eta Zineman aritutako emakume eta gizonezko aktore onenei, orotara sei sari emanda, beraz.