Azken bideoak: Osasuna

Euskal Autonomia Erkidegoan astebetean 62 hildako zenbatu dituzte koronabirusa dela eta. Eustatek bestalde martxoko datuak eman ditu eta soilik hilabete horretan 500 hildako zenbatu, jaurlaritzak emandako datuak baino %7,7 gehiago. Araban, eustaten datuek %33,8 igoarazi dute martxoan hildakoen tasa.

Azkoien bihartik aurrera 2. Fasera itzuliko da eta gainera, herriko sartu eta irtenaldiak poliziak kontrolatuko ditu. Juan Carlos Castillo alkateak norbanakoen arduraren, zein ardura kolektiboaren beharra azpimarratu du.

Koronoabirusaren eraginak nabarmen okerrera egin du Nafarroan azkeneko bi asteetan, 100.000 biztanleko 604 positiboko tasara helduta. Duela 10 egun ezarritako neurri murriztaileen eragina momentuz ez da nabaritu eta Nafarroak espainiar armadaren laguntza eskatu du arakatze lana egiteko.

Soilik Madrilek du positibo tasa handiagoa, Nafarroak baino 146 kutsatu gehiagorekin 100.000 biztanleko. Fernando Simonek estatuko Osasun Alerta eta Larrialdietako Koordinazio Gunearen zuzendariak azpimarratu du, Nafarroako argazkia "baliagarria"dela birusaren hedapen ahalmena aztertzeko, eta hori beste esparru batzuetan aurreikusteko.

Euskal Autonomia Erkidegoari dagokionez arreta Zestoara begira dago. Azken egunean 30 positibo antzeman dituzte eta herriak bere kabuz konfinatzeko erabakia hartu du 3000 biztanleko herriak. Besteak beste gune publikoak eta tabernak itxi dituzte eta alkateak berak etxeratzeko erabakia hartu du.

EAEn 519 kasu antzeman ziren ostegunean, asteazkenean baino 60 gutxiago. Herrialdeka Bizkaia da positibo gehien bildu dituena, 232; Araban, asteazkeneko gorakada handiaren ondoren, behera egin eta 85 positibo antzeman dira. Gipuzkoan, bestetik, aurreko egunean baino 2 kasu gehiago aurkitu dituzte, 190. EAEtik kanpo bizi diren 12 lagunek ere positibo eman dute PCR proban.