Albisteak
Joaquin Fuentesek jaso du Donostiako Urrezko Danborra
I.Esnaola, 2014-01-20Haurren autismoa ikertzen egindako lanarengatik eta Donostiaren izena munduan zabaltzeagatik, Donostiako Urrezko Danborra jaso du Joaquin Fuentes psikiatrak. San Sebastian egunean jaso du garaikurra Udaletxeko batzarren aretoan egin duten ekitaldi sentituan. Fuentesek berak ere, nabarmendu du talde lanari eman beharreko saria dela, bakarrik ezin delako horrelakorik bete.
Donostiako Haur Danborrada euripean ospatu da
I.Esnaola, 2014-01-20Euriak, kazkabarrak eta giro nahasiak ez du San Sebastian eguna zaputu. Ezta, Donostiako Haurren danborrada ere. Goiz partean hartu dute ospatzeko erabakia. Sara Esnal Easo Ederraren hitzek piztu dituzte danbor eta kupel hotsak eta Malen Arrieta Danbor Nagusiak gidatu du hasierako Donostiako martxa. Guztira, 43 eskoletako 50 konpainiek zeharkatu dituzte Donostiako kaleak. Hain zuzen ere, 4635 neska mutilek parte hartu dute.
INCOESAko langileek era aktiboan parte hartzeko eskatu diote Jaurlaritzari
N.Andres, 2014-01-20Incoesako langileek 238. eguna bete dute gaur greba mugagabean, enpresak ekoizpena deslokalizatu eta langileak Soria eta Extremadurara lekualdatzeko hartu zuen erabakiaren kontra. Bai enpresari zein konkurtsoko administratzaileari Bediako lan zentroa mantentzeko exijitu die langileek, hau bideragarria dela argudiatu ondoren. Halaber, Eusko Jaurlaritzari gatazkaren konponbidearen gakoa izatera pasatzeko eskatu die
Nerabezaroari begira hasi da Zinegoak jaialdia
A.Azkue, 2014-01-20Gaur bertan hasi da Arriaga Antzokian Zinegoak Lesbo-gay-trans tematikadun filmak erakusten dituen nazioarteko zinemaldia eta hilaren 26a bitarte izango dugu gurean. Guztira 85 izango dira zinemaldiak erakutsiko dituen lanak, hauetako bost euskaldunak. Aurten haurtzaroari eta nerabezaroari begiratuko dioete bereziki Zinegoaken eta ohorezko saria Bok o Bok, San Petersburgeko jaialdiari emango diote.
Osakidetzak hurrengo 7 urteetarako ibilbide orria aurkeztu du
A.Zabala, 2014-01-17Eusko Jaurlaritzak 2013-2020 Osasun Plana aurkeztu du, Osakidetzak hurrengo zazpi urteetan jarraituko duen 'ibilbide orria'. Jon Darpon Osasun sailburuak aurreratu duenez, planaren helburu nagusiak edadetuen arreta eta minbiziaren prebentzioa izango dira. Bestalde, Darponek nabarmendu du Eusko Jaurlaritza ordainketa partekatuaren kontra dagoela. Bere esanetan, Osakidetzak «aldaketak behar ditu», baina farmaziako produktuak modu partekatuan ordaintzeak «ez du ez lagunduko, ez sistema konponduko».
Ardanza: “Zauria ez da itxiko presoak espetxean usteltzea nahi bada”
A.Azkue, 2014-01-17Jose Antonio Ardanza EAJko lehendakari ohia eta Ramon Jauregui PSOE alderdiko lehendakariorde izandakoa Radio Euskadin mintzatu dira eta besteak beste presoen auzia izan dute hizpide. Biek egin diote kritika Espainiako Gobernuak gai horretan duen jokabideari. Ardanzak esan duenez, zauria ez da itxiko presoak espetxean usteltzea nahi bada. Jaureguik , presoen gaia modu "natural eta burutsuagoan" kudeatzeko eskatu dio PP alderdiari.