Albisteak

2014ko bizkaiko foru aldundiko aurrekontuen inguruan hitzarmena egin dute jeltzaleek eta popularrek. Gaur goizean sinatuko dute hitzarmena Esther Martinezek PPren izenean eta Lorea Bilbaok EAJrenean . Lorea Bilbaok gogorazi du 2014ko aurrekontuak posible izango direla hiru alderdiren borondateari esker, izan ere lehenengo bizkaiko sozialistekin lortu zuten akordioa.

Aiko taldeak Soken Dantza deituriko diskoa aurkeztu du. Alvaro Garcia taldeko gitarristak hartzen du protagonismo guztia, berak konposatu eta interpretatu baititu dantzarako 12 doinu soilik gitarra erabiliz.

20 urte pasa dira ETAk Joseba Goikoetxea ertzainburua hil zuela, eta bere senideek eta lagunek hainbat ekitaldi deitu zituzten gaur goizerako, biktima guztiei eta alderdi guztiei irekitako omenaldia izan zedin. Eta hala izan da, bertan izan baitira Carmen Gisasola eta Andoni Alza ETAtik aldendutako preso ohiak. Baita GALeko hainbat biktima ere, hala nola Pili Lasa eta Axun Zabala.Edurne Brouard HBko buruzagi historikoaren alaba ere bertan izan da. Eusko Jaurlaritzaren eta EAJren, PSE-EEren eta EH Bilduren hainbat ordezkarik ere parte hartu dute omenaldian, tartean Laure Mintegi, Rafa Larreina eta Pello Urizar

"Tantaz tanta"  ekimena aurkeztu zuten larunbatean Gernikan. Tantaz tantak biktima guztien aitorpena eta presoak etxeratzeko bidea aldarrikatuko du urtarrilaren 11n Bilbon. Presoen egoera "bakea lortzeko oztopoa" dela uste dute.

Preso eta iheslarien eskubideen aldeko ekimena antolatu dute hainbat eragilek azaroaren 9rako Gernikako Astran

Unai Sordo CCOOeko Idazkari Nagusiak esan du EAEko langabezia datuak oso kezkagarriak direla eta bestelako politikak aldarrikatu ditu.