Azken bideoak: Mundua

AEBtako hauteskundeen emaitza definitiboak ezagutu bitarte, Gurean Gaur albistegian analisira jo dugu ahalik eta gako gehien eskuratzeko. Iñaki Galdosek nabarmendutako artean, Donald Trumpek eskainitako agerraldiaren ostean, non "iruzurra" salatu duen, Errepublikarren baitan sortutako kritikak.

Luzerako jo dezake Estatu Batuetako presidente berria izendatzeko prozesuak. Berriz ere kale egin dute inkestek, eta uneotan oso parekatuta jarraitzen dute Joe Biden eta Donald Trumpek. Giroa are gehiago korapilatu daiteke gainera, oraindik boto denak kontatu gabe dauden arren Trumpek dagoeneko iragarri baitu bera dela irabazlea.

Bozkatzen ari dira dagoeneko Amerikako Estatu Batuetan. Euskal herrian goizeko 11:00etatik aurrera ekin diote hautestontziak irekitzeari ekialdeko kostan, eta egunak aurrera egin ahala hasiko dira bozkatzen mendebalderagoko estatuetan. Sorpresarik ezean behintzat, behin betiko emaitzarik ez da jakingo Euskal Herrian bihar goiza argitu aurretik.

Gurean Gaur albistegiaren baitan, nazioarteko errepasoan, Verónica Satrustegi kazetari nafarra izan dugu gurekin: Azkeneko urteak Hego Amerikan igaro ditu, Perun dago uneotan, eta besteak beste bertako zein Txile eta Boliviako aktualitatea errepasatu ditugu berarekin.

5 egun besterik ez dira falta Amerikako Estatu Batuetako hauteskundeetarako, eta inkestak aurka ditu Donald Trump egungo presidenteak. Covid-19a ari da izaten kanpainako azken txanpako gai nagusia, eta herritarren gehiengoaren iritziz Trumpen gobernuak ez du pandemia behar bezala kudeatu.

Guardia Zibila miaketa ugari egiten ari da Bartzelonan, Igualadan, Gironan, Vilafranca del Penedesen eta Sant Joan Despin, besteak beste. Zehazki, Kataluniako alderdi independentistekin lotuta dauden enpresari batzuk atxilotzeari ekin dio, ustez Tsunami Demokratikoa plataformarekin loturak izateagatik eta Carles Puigdemont Kataluniako presidente ohiak Belgikan duen egitura finantzatzeko diru publikoa bidegabe erabiltzeagatik. Hala ere, ez da baztertzen jende gehiago atxilotzea.